Қырғызстанда түрмеден қашқан экстремист оны ұстау кезінде өлтірілді

1 749 просмотра

БІШКЕК. ҚазАқпарат - Қырғызстанда түрмеден қашқан экстремистердің бірі - Азамат Мүсірәлиев бүгін ұстау кезінде атылып өлтірілді.

ҚР ІІМ-нің баспасөз қызметінің хабарлауынша, қылмыскер Совулук ауданы ауылдарының біріндегі қой қорада жасырынған. Оны ұстау іс-қимылдары 20 қазанның таңында жүргізілді. Ұстау кезінде ол қарсылық танытып, ақыры атылып өлтірілді.

ҚР ІІМ-нен А.Мүсірәлиевтің СИЗО-50 бас бостандығынан айыру орнынан қашып кеткен төрт сотталушының бірі, сондай-ақ дәстүрлі емес исламды жақтаушы және тыйым салынған «Жайшуль Махди» партиясының белсенді мүшесі болған.

Еске сала кетейік, ағымдағы жылдың 12 қазанында СИЗО №50 бас бостандығынан айыру орнынан 9 сотталушы қашып кеткен. Соның бесеуі ұсталып, тағы төртеуі жасырынып үлгерген. 16 қазан күні қылмыскерлердің бірі арнайы іс-қимылдардың барысында өлтірілді. Тағы екі экстремисті іздеу жұмыстары жүргізілуде.

Қырғызстан ІІМ іздеудегі экстремистердің орналасқан жері туралы мәліметтер үшін 1 миллион сом (шамамен 14,5 мың доллар) ақшалай сыйақысын беретінін жариялады.

Дереккөз/фото: inform.kz

20 қазан 2015, 14:45

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.