Израиль Иерусалимдегі араб аудандарына бақылауды күшейтті

1 375 просмотра

Израиль билігі Иерусалимнің шығыс бөлігінде орналасқан араб аудандарын қоршап тастауға үкім шығарды.

Бұл туралы премьер-министр Биньямин Нетаньяху мәлімдеген. Қауіпсіздік кабинеті елдегі терроризммен күресу мақсатында кейбір аудандарды қоршауға алып немесе коменданттық сағат орнатуға мәжбүр екенін айтқан. Себебі кейінгі кезде қалада шабуыл көбейіп, 3 израилдік қаза болған. Тағы 17-сі жараланған.

Ал Сахнин қаласында елдегі араб партиялары мен қоғамдық ұйымдардан мыңдаған адам жиылып ел премьеріне қарсы шеру өткізді. Олардың айтуынша, жағдайдың осылай ушығуына билік кінәлі. Өйткені олар Иерусалимдегі Әл-Акса мешітіне кіруге тыйым салған.

Ханин Зуби, Араб-Израиль Кнессет мүшесі:

- Біз Нетаньяхудың Әл-Акса мешітін жайына қойып, одан аулақ жүруін талап етеміз. Сонымен қатар Израиль түрмелерінде жатқан оншақты тұтқынды босатып, елдегі араб, палестин жастарын мазаламауы тиіс.

Дереккөз: 24.kz

14 қазан 2015, 10:59

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.