Апта суық болады

«Қазгидромет» РМК филиалында хабарлағандай, ауа райы келесі аптаның аяғында ғана жылынады.

- Облыс солтүстіктен келген циклон аймағында тұр, ауа райының күрт салқындауы мен жауын-шашын осының әсері, - деп түсіндірді метео болжам жасау бөлімінің басшысы Күләйна МЫРЗАШЕВА. – Күннің суытуы келесі аптаның аяғына дейін созылады.

Сенбі, 10 қазан күніндегі ауа райы.

Облыс бойынша жауын-шашын болады, кей жерлерде тұман түседі. Ауа температурасы түнде 0-3 градус жылы, кей жерлерде -3 градусқа дейін төмендейді (Қызылқоға және Құрманғазы аудандарында), күндіз 7-12 градус жылы.

Атырау қаласында күн бұлтты болып, кей жерлерде жаңбыр жауады, оңтүстік батыстан секундына 9-14 метр жел тұрады. Температура түнде 1-3, күндіз 8-10 градус жылы.

Мұрат СҰЛТАНҒАЛИЕВ