Педофил екі жыл бойы балдызы мен оның құрбысын қорлап келген

Атырау қылмыстық істер бойынша мамандандырылған ауданаралық соты 30 жастағы педофилге қатысты үкім шығарды.

Қылмыстық соттың баспасөз қызметі ұсынған мәліметтер бойынша, Атырау қаласының тұрғыны Ж. 2013-2015 жылдар аралығында балдызын бірнеше рет зорлап, оның құрбысына қатысты жыныстық бағыттағы әрекеттер жасаған. Қылмыскер мұны бастағанда құрбандары 10 және 11 жас аралығында болған.

Айыпталушы Ж. ҚР ҚК-нің 120-бабы (Зорлау), 121-бабы (Сексуалдық сипаттағы зорлық-зомбылық әрекеттер), 124-бабы (Жас балаларды азғындық жолға түсіру) бойынша айыпты деп танылып, 17 жылға қатаң режимдегі колонияда бас бостандығынан айырды.

Зульфия БАЙНЕКЕЕВА