Жириновский Горбачевті сотқа берді

1 604 просмотра

Ресейлік саясаткер Владимир Жириновский СССР-дың соңғы басшысы Михаил Жириновскийді кітабындағы өзіне қатысты мәлімдемесі үшін сотқа берді. Мәскеудің Тимирязев аудандық сотының шешімі бойынша, Жириновскийдің арызына қатысты тыңдау 15 қазанда өтеді.

Жириновский Горбачевтен 2014 жылы шыққан "После Кремля" деп аталатын кітабында өзіне қатысты пікірі үшін моральдық өтемақы ретінде 1 миллион рубль (шамамен 15 мың 200 АҚШ доллары) талап етеді.

Горбачевтің кітабында Ресейдің ұлтшыл Либералды-демократиялық партиясының жетекшісі Жириновский бірнеше рет аталады. Горбачев Жириновский бірнеше рет "арандатушылық" ұйымдастырған болуы мүмкін деп, оның кейбір мәлімдемелерін "экстремистік" деп атайды.

Жириновский шағымында Горбачевтен мәлімдемесін ресми түрде жоққа шығаруды да талап етеді.

Дереккөз: azattyq.org

1 қазан 2015, 10:31

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.