Volkswagen концернінің басшысы отставкаға кететінін мәлімдегеннен кейін Франкфурт қор биржасындағы саудада еуропалық автоалыптың акция құны 4,6%-ға өсті, деп хабарлайды ВВС.
Сауда басталғанда акция құны 116,6 еуроны құрады. Бұл өсім екінші күн қатарынан байқалады: апта басында жиырма пайызға құлдырап кеткен акция сәрсенбі күні 4% өсім көрсетті.
Кеше Volkswagen басқарма төрағасы Мартин Винтеркорн брендтің бірқатар модельдерінде қалдық газ құрамындағы зиянды заттардың аздығы туралы мәліметтердің жалған екені әшкере болғаннан кейін отставкаға кету жөнінде шешім қабылдады.
Дереккөз: bnews.kz