​Индерге инвестор тартылды

Бельгияның Soltech компаниясы Индер ауданы Елтай ауылында күн электр стансасын салмақшы.

Осыған орай облыс әкімі Бақтықожа ІЗМҰХАМБЕТОВПЕН кездесуде Soltech компаниясының бас менеджері Мишель КАЛЛЕРАМИ, Қазақстан жағынан тете-призиденті Жером АЛЬБА «Soltech Қазақстан» бірлескен кәсіпорнын құру туралы меморандумға қол қойды.

- Біз бұл жобаны жүзеге асырудағы жұмыстарға белсене араласамыз, - дейді Индер ауданы әкімі Серік АРЫСТАН. - Елтай окугінен 700 гектар жер бөлінген. Ол жердің топырағы құнарлы. Бұдан бөлек тағы 500 га жер берілмекші.

Сарапшылар жобаны пысықтаған соң күннен қуат алатын электр стансасы мен жылыжай кешенін салу жоспарланып отыр. Жобаның құны - 92 млн еуро. Жылыжай шаруашылығында тағамдық томаттар, салаттар дақылдары өсіріледі. Сондай-ақ, бағалы балық өндірісін дамыту, шұбатты экспортқа дайындау қарастырылған.

Жұмыс осы жылдың қазанында басталып, 2016 жылдың жазында бітпекші.

Ләззат ҚАРАЖАНОВА