Балмұздақпен алдаған педофилге 8 жыл жаза берілді

6 жасар қызға қатысты азғындық әрекет жасаған Кудряшово селосының 30 жастағы тұрғыны 8 жылға сотталды («Педофил бүлдіршінді алдап әкелген»).

«Қылмыстық істер материалдарына сүйенсек, 6 жасар қыз бала көшеде ойнап жүргенде ол балмұздақ пен сағыз сатып әперіп, тағы балмұздақ әперемін деген уәдемен оны танысының үйінің ауласындағы дәретханаға алдап кіргізген. Содан кейін кәмелетке толмаған қыз балаға қатысты азғындық әрекетін жүзеге асырған», - делінген облыстық соттың баспасөз хабарламасында.

Сот отырысында сотталушы өз кінәсін мойындады. Ол ҚР ҚК-нің 124-бабының 1-тармағында («Жас балаға қатысты күш қолданбай азғындық әрекеттер жасау») қарастырылған қылмысты жасауда кінәлі деп танылып, жалпы режимдегі колонияда 8 жылға бас бостандығынан айыру жазасын алды.

Сәуле ТАСБОЛАТОВА