Полицей 5 жылға сотталды

Жылыой аудандық сотының үкімімен АІІБ-нің учаскелік инспектордың көмекшісіне 5 жылға бас бостандығынан айыру жазасы тағайындалды.

- 2014 жылдың 28 мамырында учаскелік инспектордың көмекшісі қызметін атқару барысында жәбірленуші М.Б-ны ұрып-соғып, орташа ауырлықтағы дене жарақатын салды, - дейді Жылыой ауданы прокурорының орынбасары Жәнібек ҚАРАЖАНОВ. - Аталған оқиға бойынша прокуратура ҚР ҚК 308-бабы 4-тармағының «а» тармақшасымен («Билiктi не қызметтiк өкiлеттiктi күш қолдану немесе оны қолданамын деп қорқыту арқылы асыра пайдалану») қылмыстық іс қозғады. Іс тергеліп, сотқа жолданды. 5 жылға бас бостандығынан айыру туралы сот үкімі шықты.

Ләззат ҚАРАЖАНОВА