Тәжікстанда ресейлік әскерилер із-түзсіз жоғалып кетті

Тәжікстанда із-түзсіз жоғалып кеткен Ресейдің 3 әскери қызметкері жайлы бірде-бір дерек жоқ, деп хабарлайды Bnews.kz.

«Қазір әскерилерді іздестіру жұмыстары жүріп жатыр. Оларды тірідей табамыз деп үміттеніп отырмыз. Әзірге олар жайлы ешқандай дерек жоқ», - дейді ресейлік құзырлы орган мамандары.

Оқиға 29 маусым күні болды. Әскерилер 201-әскери базадан аймақты барлауға шыққанда Вахш өзеніне құлап кеткен. Әскери қызметшілер содан бері іздестіру жұмыстарын жүргізіп жатыр.

201-база – Ресейдің ел сыртындағы ең үлкен әскери нысаны. Ол 2004 жылы құрылған, екі ел арасындағы келісімге сәйкес Тәжікстан аумағында 2042 жылға дейін жұмыс істейді.

Дереккөз: bnews.kz