​Мүмкіндігі шектеулі жандарға арналған қызмет түрі

ХҚКО-ның мобильдік топтары І және ІІ топ мүгедектеріне жаңа қызмет түрін ұсынды.

Облыстық ХҚКО-ның қоғаммен байланыс жөніндегі менеджері Айнагүл МОЖАРБАЕВА хабарлағандай, үйден шыға алмайтын адамдар 1414 телефон нөмірі арқылы бірыңғай байланыс орталығына қоңырау шалып, өтініш бере алады. ХҚКО-ның мобильдік топ қызметкерлері құжаттар ресімдеуге (төлқұжаттар, жеке куәліктер, мекенжай анықтамалары т.б.) өтініш берушінің үйіне барады.

- ХҚКО қызметкері өтініш берушінің қалауы бойынша оған электрондық сандыққолтаңба беріп, «Электрондық үкімет» порталы арқылы өздігінен мемлекеттік қызметтерді алуды үйретеді, - дейді А.Можарбаева.

Бірыңғай байланыс орталығы тәулiк бойы үзіліссіз және демалыссыз жұмыс iстейдi.

Айнұр САПАРОВА