Атырау облысының қылмыстық істер жөніндегі мамандандырылған ауданаралық соты Доссор поселкесінің тұрғынын ҚР ҚК-нің 99-бабы 1-тармағымен («Адам өлтiру, яғни басқа адамды құқыққа қарсы қасақана қазаға ұшырату») 12 жылға соттауға үкім етті.
Осы жылдың 17 ақпаны күні Доссор поселкесіндегі үйлердің бірінде 51 жастағы әйел адамның мүрдесі табылған болатын. Мақат ауданының прокуроры А.ТАЙТУЛЛИННІҢ айтуынша, полиция көп кешікпей күдікті ретінде Доссор поселкесінің тұрғынын ұстаған. Оның мас күйінде бұл әйелдің үйіне барып, ұрыс-керіс барысында оны өлімші етіп сабаған. Сотта оның кінәсі толық дәлелденді.
Ләззат ҚАРАЖАНОВА