Атырау қалалық №2 соты педофилдікке күдіктелген екі тұлғаға қатысты қамауға алу түрінде бұлтартпау шарасын тағайындады.
Іс материалдарына сәйкес, Атырау облыстық сотының баспасөз қызметі хабарлағандай, 35 жастағы Атырау тұрғыны С. «көшеде кетіп бара жатқан 11 жастағы қызды көріп, қолынан ұстап алып, жанында тұрған машиналардың артына қарай сүйреп, содан кейін оның дәрменсіз күйін пайдаланып, азғындық әрекетін жүзеге асырған».
42 жастағы Атырау тұрғыны өзінің өгей қызына қатысты азғындық әрекет жасады деп күдіктелуде: «Алдын ала тергеу органдары анықтағандай, К.Н. кәмелетке толмаған қыздың анасының үйде жоқтығын пайдаланып, жазамен қорқытып, зорлық жасамай азғындық әрекетін жүзеге асырған».
Күдіктілерге қатысты ҚР ҚК-нің 124-бабы («Жас балаларды азғындық жолға түсіру») бойынша қылмыстық істер қозғалды.
Зульфия БАЙНЕКЕЕВА