Найзағай Атыраудағы тағы бір үйді өртеді

23 маусымда сағат 18.34-те қалалық өрт сөндіру бөлімінің пультіне Лесхоз ықшамауданындағы №96 үйге найзағай түсіп өртеніп жатқаны туралы хабарлама келген.

Өрт сөндіру машиналары сол жерге келген кезде, мансард үйдің шатыры жалындап жатқан. ТЖД-да хабарлағандай, өрт сағат 19.40-та өшірілді. Өрттің нақты шығу себебін анықтаумен полиция айналысуда.

Естеріңізге салсақ, 1 маусымда Самал ықшамауданындағы №6 көшедегі үйлердің біріне найзағай жарқылы түсіп, шатыры өртенген еді («Үйге найзағай түсті»).

Мұрат СҰЛТАНҒАЛИЕВ

Суретті түсірген Қанат ЕЛЕУОВ