8 наурызда күндіз Атырауда букмекерлік кеңсе тоналды.
Екі қаскөй Алмагүл ықшамауданындағы букмекерлік кеңсеге кіріп, кассирден қорқытып 50 мың теңгені алып кеткен. Кассир полицияға 10 наурызда шағымданды.
ІІД баспасөз қызметінің жетекшісі Гүлназира МҰХТАРОВАНЫҢ айтуынша, №2 полиция бөлімінің қызметкерлері екі күдіктіні - Атырау қаласының 24 және 26 жастағы тұрғындарын ұстады. Олар уақытша ұстау изоляторына қамалды.
Мұрат СҰЛТАНҒАЛИЕВ