АҚШ: Шығыс Украинада 12 мыңдай Ресей әскері бар

2 386 просмотра

АҚШ-тың Еуропадағы әскерінің қолбасшысы Бен Ходжес. АҚШ әскери қолбасшылығының есептеуінше, Шығыс Украинада ресейшіл сепаратистерге 12 мыңға тарта Ресей әскері қолдау көрсетеді.

АҚШ-тың Еуропадағы әскерінің қолбасшысы Бен Ходжестің 3 наурызда Берлинде мәлімдеуінше, Шығыс Украинадағы Ресей әскерінің арасында әскери кеңесшілер, сарбаздар мен қару-жарақ мамандары бар. Ресей сепаратистерге көмектесіп жатқанын әдеттегідей жоққа шығарады.

Ходжестің сөзіне қарағанда, Украинаны қару-жарақпен қамтамасыз ету Ресей президенті Владимир Путинге ықпал етуі мүмкін. Ол "Аналар балаларының өліп жатқанын көргенде, баға қымбаттағанда ел ішіндегі қолдау азаяды" деді. Ходжестің сөзінше, Киев "барлау мәліметтерін, Ресей танктерін тоқтататын қандай да бір көмек алғысы келеді".

Ақ үй Украинаға қару-жарақ беруге қатысты әлі шешім қабылдаған жоқ. Ходжес Вашингтонның Украина дағдарысын дипломатиялық жолмен шешуге ұмтылатынын тағы да қайталады.

Дереккөз: Азаттық радиосы

4 наурыз 2015, 09:52

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.