Жол инспекторы парадан бас тартып, ереже бұзушы-жүргізушіні жауапкершілікке тартты.
Мұндай ақпарат ІІД хроникасында сирек кездеседі, сондықтан бұл назар аударуға тұрарлық жаңалық. ІІД баспасөз қызметінің жетекшісі Гүлнәзира МҰХТАРОВАНЫҢ айтуынша, 17 ақпан күні түскі мезгілде Махамбет көшесінде жол-патрульдік қызметкер ВАЗ 21014 көлігін тоқтатқан. Себеп – көлік қарсы жолаққа шығып кеткен. Жүргізуші полиция қызметкеріне екі мың теңге көлемінде пара ұсынған. Ал, қызметкер одан бас тартқан. Бұл фактіні жедел-алдын алу шараларын өткізу кезінде ІІД ішкі қауіпсіздік басқармасының көшпелі жедел басқару орталығы тіркеген. Қазіргі уақытта жүргізушіні жауапкершілікке тарту туралы мәселе шешілуде.
– Бұл мемлекеттік қызмет орындауға өкілетті адамдарға жеке адамдардың заңсыз материалдық ақы ұсынғаны үшін жаза қарастыратын Әкімшілік құқықбұзушылық туралы кодекстің бабы болатын шығар, - дейді Г.Мұхтарова. – Мұндай заң бұзушылық үшін 400 мың теңгеден астам көлемде айыппұл, ал қарсы жолаққа шығып кеткені үшін – бір жылға жүргізуші куәлігінен айыру жазасы тиесілі.
Анастасия ПАСТУХОВА