10 жастағы қыз Нигерияда өзін-өзі жарып жіберді

2 255 просмотра

Шамамен он жастағы қыз Нигерияның солтүстік-шығысында Майдугури қаласындағы базарда жарылғыш затты іске қосты, кем дегенде 10 адам қаза тапты, - деп хабарлайды РИА Новости.

Франс Пресс агенттігі Қызыл Крест ұйымы мен куәгерлерге сілтеме жасай отырып, жарылыстың базарда адам көп жүретін жерінде жергілікті уақытпен сағат 12.40-та болғанын хабарлады. Лаңкестікке әзірше ешбір топ жауапкершілік алмады. "Қазіргі уақытта біз 10 адамның денесін мәйітханаға апардық", - деп хабарлады агенттікке Қызыл Крест ұйымының өкілі.

Нигерияда "Боко Харам" радикалды ислам тобы белсенді. Оның мүшелері білім берудің батыс моделіне қарсы шығады және ел бойынша шариғат жолына түсіруге талпынады. Елде болған көптеген лаңкестікке осы топ жауапкершілік алған.

Нигерия президенті Гудлак Джонатан бір жыл бұрын лаңкестіктің қаупі мен содырлардың шабуылдарына байланысты бірқатар штатта төтенше жағдай енгізілгенін жариялаған еді.

Дереккөз: tengrinews.kz

12 қаңтар 2015, 09:14

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.