Ауғанстанда жарылыстан 45 адам мерт болды

2 332 просмотра

Пактика уәлаятында волейбол матчы кезінде болған жарылыстан жараланған тұрғын ауруханада жатыр. Ауғанстан, 23 қараша 2014 жыл. Ауғанстанның Пактика уәлаятында волейбол матчы кезінде болған жарылыстан кемінде 45 адам қаза тауып, 60 адам жараланған.

Жарылыс жексенбі күні тұрғындар ауданаралық жарысты тамашалауға жиналғанда болған. Жанкешті көпшілік адамның ортасына кіріп кетіп, өзімен бірге алып жүрген жарылғыш затты іске қосқан. Қаза тапқандардың көпшілігі бейбіт тұрғындар.

Үкімет тікұшақтары ауыр жараланғандарды Кабулға әкетіп жатыр. Әзірше бұл шабуылға жауапкершілікті ешкім мойнына алған жоқ.

Пактика уәлаяты Талибан және «Әл-Қаида» ұйымдарымен байланысы бар түрлі топтар белсенді әрекет ететін Вазиристан аймағымен және Пәкістанмен шектеседі.

Дереккөз: Азаттық радиосы

24 қараша 2014, 09:39

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.