ИМ Иракта әскери лагерді басып алды

2 485 просмотра

Ирак билігінің өкілдері радикалдық "Ислам мемлекеті" ұйымының содырлары елдің батысындағы Анбар провинциясында әскери лагерді басып алып, Сирияның Түркиямен шекарасындағы Кобани қаласында позицияларын күшейте түскенін хабарлады.

Ирак әскерилерінің айтуынша, содырлар лагердегі бронды техника мен танктерді тонап, лагерге өрт қойып, Ирак әскерін оны тастап шығуға мәжбүр еткен.

Лагер "Ислам мемлекеті" содырлары осы айдың басында басып алған Хит қаласына жақын орналасқан. Содырлар Хит қаласын басып алған соң Анбар провинциясына дендей ене бастаған. Сарапшылар содырлар Анбарды басып алса, онда "Ислам мемлекетінің" Бағдадқа шабуыл жасау үшін қажетті транспорттық дәліз құруына мүмкіндік туады дейді.

БҰҰ-ның мәліметінше, Хит қаласы маңындағы ұрыстардан 180 мыңнан астам адам үй-күйсіз қалған.

Дереккөз: Азаттық радиосы

14 қазан 2014, 11:41

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.