Балалар сәл де болса есейе бастады

Көрнекі суретСудан құтқарушылар, өрт сөндірушілер, Апаттар медицинасы орталығы және басқа да төтенше жағдайлар қызметкерлерінен құралған делегация қала сыртындағы Бесікті ауылындағы «Тұлпар» лагерінде демалып жатқан балалармен кездесті.

Құтқарушылар балаларға өз жұмыстары туралы әңгімелеп, суға түскенде, өрт болған жағдайда және басқа да қауіпті оқиғалар кезінде естен шығармауға тиіс қауіпсіздік шараларын үйретті, алғашқы дәрігерге дейін көмек беру ережелерімен таныстырды.

- Балалардың осы ақпараттарды білгені өте маңызды, - дейді «Өрт сөндіру және апаттық-құтқару жұмыстары қызметі» ММ-нің психологиялық бөлімінің бастығы Мәдина МАҒЗОМОВА. - Өйткені, төтенше жағдай кезінде балалар түгілі, ересек адамдардың өзі абдырап қалып жатады.

Анастасия ПАСТУХОВА