Израиль әскері бейбіт халыққа да оқ атып жатыр

Газа секторын әуеден атқылап жатқан Израиль әскері кеше аталған өңірге шабуылды жерден жасады. Салдарынан әзірге екі бейбіт тұрғын қаза тапты деп хабарлайды Би-би-си. Оның бірі бес айлық сәби. 

Жергілікті аурухана дәрігерінің айтуынша, қаза тапқандар қарулы шабуылдың құрбандары.
Бұған дейін Израиль тарапы 5 сағаттық үзілістен кейін Газаға шабуылды қайта үдететінін ресми түрде мәлімдеген болатын.
Елдің қорғаныс министрлігінің хабарлауынша, қазіргі таңда қарулы шабуыл әуеден де, жерден де, судан да жүргізіліп жатыр.
Басты мақсат - палестиналық лаңкестердің қару тасымалдайтын жерасты жолдарын түбегейлі жою дейді олар.

Дереккөз: Baq.kz