Қызылқоғада дала өртенді

8 шілдеде сағат 18-де Қызылқоға ауданы Жангелдин ауылдық округына қарасты «Қызылсай», «Маңғыт», «Қорайлы», «Сарыкөл», «Қоскөл» және «Қайрақты» учаскелерінде өсіп тұрған құрғақ шөп өртке оранды.  

ТЖД баспасөз қызметінің хабарламасы бойынша, өртті ауыздықтау дала өртінің орнында жүргізілген есептің арқасында мүмкін болды. Ал өрт тек 9 шілде күні кешкісін толықтай сөндірілді.

Жанып кеткен шөптің алаңы 15 мың гектарды құрады. «Қорайлы» учаскесінде бірнеше мал қоралары өртеніп кетті. Өрттің құшағында қалған 26 қой тірілей күйіп өлген.
Мурат СУЛТАНГАЛИЕВ