Сотты сыйламаған сотқа тартылады

Қала прокуратурасы әлі күнге дейін өз үйін бұзбай отырған коттедж иесін қылмыстық жауапкершілікке тартты.

Қала прокуроры Халидолла ДӘУЕШОВТІҢайтуынша, әлдебір қалалық азамат 3 қабатты коттедж үйді басқа біреудің, яғни, көршісінің жер учаскесіне қателесіп салып алған көрінеді. Жер учаскесінің иесі сотқа шағымданған, ал, сот жауапкерді коттеджін бұзуға міндеттеген. Үй иесі заң бойынша белгіленген мерзімде сот талабын орындамағандықтан әкімшілік жауапкершілікке тартылған. Алайда, ол әлі күнге дейін сот шешімін орындауға асығатын емес. Жер иесі прокуратураға шағымданды, бұл жолы  «Сот үкімін, сот шешімін  немесе өзге де сот актісін орындамау» бабы бойынша қылмыстық іс қозғалды. Тергеу ісімен қалалық ІІБ айналысуда.

Лев ГУЗИКОВ