БҰҰ Солтүстік Корея режимін жазалауды талап етіп отыр

БҰҰ адам құқықтарының жиі бұзылғаны үшін Солтүстік Корея режимін жазалауды талап етіп отыр, деп хабарлайды Русская служба ВВС. 

Бір жылға созылған тергеу нәтижелері туралы есеп жақын арада жарияланады. Осы тергеу барысында Адам құқықтары жөніндегі Кеңес тағайындаған сарапшылар режимнің өз халқына қарсы қылмыстардың жасағанын анықтады. Сарапшылар адамдарға зорлық-зомбылық көрсету, құл ретінде жұмыс істету, қиянат көрсету, зорлау, қатаң саяси репрессияларға ұшырату мен басқа да қылмыстар туралы куәлардың айтқандарын тыңдады.

Енді бұлар қайтадан тергелуі мүмкін. Бұл жолы халықаралық сот немесе трибунал тарапынан тергеледі.