В Атырау -9 
2 қаңтар күні Доссор поселкесінде екі жасөспірімді соққыға жықты деген күдікті ұсталды. Қазір ол уақытша ұстау изоляторында отыр.
Оқиға болған түні күдікті үйге пластик терезеден кіріп, қаннен-қаперсіз ұйықтап жатқан15 жастағы Байкен мен 17 жастағы Райгүл НЫҒЫМЕТОВТЕРДІ себепсізден-себепсіз ұрып соққан. Апалы-інілілер бастарынан темір тұрбамен соққы алып, ауыр халде ауруханаға жеткізілген. Қазір белгілісі, Байкеннің денсаулық жағдайы қалыпты күйге түсіп келеді.
- Осы іс бойынша ҚР ҚК 145-бабы 2 бөлімінің («Тұрғын үйге қол сұғылмаушылықты бұзу») және 103-бабы 2-бөлімінің «а, в, г, д» тармақтарымен («Денсаулыққа қасақана ауыр зиян келтіру») қылмыстық іс қозғалып, күдікті екі айға тергеу изоляторына қамалды. Күдікті бұдан бұрын тонау бойынша 15 жылға сотталып келген болатын, -дейдіМақат ауданы прокурорының орынбасары Досбол БАҒЫТЖАНОВ.
Тергеу жүріп жатыр.
Ләззат ҚАРАЖАНОВА