Мас тұрғынның «лаңкестік актісі»

27 қаңтарда 20 сағат 40 минутта полицияның «102» пультіне Атырау қаласының Авангард тұрғын үй массивіндегі №3 мектепте жарылыс құрылғысы салынғаны туралы құпия қоңырау келіп түсті.

Облыстық ІІД баспасөз қызметінің жетекшісі Гүлназира МҰХТАРОВАНЫҢ айтуынша, саперлар мектеп ғимаратын мұқият тексеріп шығып, бомба таба алмаған. Полицейлер қоңырау шалған тұлғаны – Авангардтың 50 жастағы мас тұрғынын бірден анықтап, ұстаған. Ол уақытша ұстау изоляторына қамалды. ҚР ҚК-нің 242-бабы («Терроризм актiсi туралы көрiнеу жалған хабарлау») бойынша қылмыстық іс қозғау туралы мәселе шешілуде.

Мұрат СҰЛТАНҒАЛИЕВ