В Атырау +7.3 
Қаңтардың 6-ына қараған түні Құлсары қаласындағы коттедждердің бірінің ауласынан тауыс пен оның балапаны ұрланып кетті.
51 жастағы үй қожайыны бірден полицияға хабарлап, нәтижесінде экзотикалық құстарға әуес ұры – 22 жастағы Құлсары тұрғыны ізі суымай ұсталды. Заттай айғақтар (ұйпа-тұйпасы шыққан құстар, бірақ тірі) тәркіленіп алынды.
Ғаламторда тауыстардың сатылатындығы туралы хабарландыру жетерлік. Бұл құстар біздің климатымызда жақсы көбейеді және балапандарына өзі күтім жасайды екен. Ересек тауыстың құны – 600-700 доллар.
Мұрат СҰЛТАНҒАЛИЕВ
8 қаңтар 2014, 17:06