Аудан жаңалықтары

«Трансформатор түбімізге жетті»

Мақат кентінің бірнеше тұрғынының тұрмыстық заттары токтың тұйықталуы салдарынан өртеніп кетті. Енді олар трансформаторлардың қазіргі иесін іздеуде.   

- Бұған дейін балансқа алушы сан өзгерген. Біресе жергілікті әкімшілік, кейін «ҚазТрансГаз» АҚ алған. Негізі трансформатордың иесі «Атырау-Жарық» АҚ болуы керек қой. Токпен қамтамасыз ететін солар. Сондықтан токтан зардап шеккен тұрғындар оларды сотқа беру арқылы шығындарын өндіріп ала алады, -дейді аудандық тұрғын үй-шаруашылық, жолаушылар көлігі мен автомобильдер жолдары бөлімінің басшысы Аслан ҚОСМАҒАМБЕТОВ.

***

Газеттің тойы

Аудандық «Кең Жылой» газеті 80 жылдық мерейтойын атап өтті.

Кезінде мың таралыммен ғана басылған газеттің бүгінгі оқырманы 9 мың адамға жеткен.

***

Баспана сыйы

Жаңа жылдан бастап Мақат кентінде екі пәтерлік 23 үй пайдаланылуға берілмек.

Бұл үйлердің құрылысына қаржылай демеуші болған – «Қазақстан Темір жолы» ҰК АҚ, ал мердігері - «КОССК» ЖШС.

Тағы да бюджеттің көмегімен он үй тұрғызылады деп жоспарлануда. 

Ләззат ҚАРАЖАНОВА