Түркияда жемқорлық қылмысы бойынша үш министрдің баласы қамалды

Түркияда полиция жемқорлық қылмысын тергеу кезінде үш министрдің баласын ұстады. Оның ішінде ішкі істер министрі, экономика министрі, экология министрінің ұлы бар, деп хабарлайды Би-Би-Си агенттігі. 

Полиция олардан басқа тағы 20 адамды қамауға алды. Ұсталғандардың көбі Стамбул мен Анкара қаласында тұтқындалған.

Полиция Анкарадағы ірі банктердің бірі - Halkbank бас ғимаратына басып кірген, батыс елдерінің БАҚ-тарының хабарлауынша банк жетекшісі Сүлейман Аслан тұтқындалған.

Осы оқиғадан соң банктің акцияларының құны 5%-ға түсіп кеткенімен, кейін күндізгі сауда барысында қайта 2%-ға қайта өскен.

Бұдан кейін полиция ірі кәсіпкер Әли Ағаоғлыға тиесілі құрылыс компаниясының бас кеңсесіне тінту жүргізген.

Түркия саясаткерлері бұл оқиғаға елдің премьер-министр Реджеп Тайып Ердоған мен Фетхуллаһ Гүлен арасындағы текетірес себеп болды деп жорамал жасайды.

Дереккөз: bnews.kz