Сенбі күні АҚШ-тың орталық және шығыс аудандарына қардың мол түсуіне байланысты 3 мыңға жуық әуе рейсі кешігіп, тоқтатылды. Мәселен, Ньюарктің (Нью-Джерси штаты) және Чикагоның (Иллинойс штаты) халықаралық әуежайларында 50-ден астам рейс тоқтатылды, деп хабарлайды ИТАР-ТАСС.
Нью-Йорктағы Кеннеди атындағы әуежай ұшақтарды бір сағаттан астам уақыт кешіктіріп қабылдауда. Бұл техникалық қызметтердің ұшу-қону жолақтарын тазалап үлгермеуіне байланысты.
Сондай-ақ, қардың мол түсуінен Вашингтон, Бостон (Массачусетс штаты), Сент-Луис (Миссури штаты), Кливленд (Огайо штаты), Детройт (Мичиган штаты), Питтсбург және Филадельфия (Пенсильвания штаты) халықаралық әуежайларының жұмысы бұзылды.
Ауа райының бұзылуынан жол апаты жиіледі. Жергілікті тас жолдарда 3 адам қаза тапты. Кейбір аудандарда қар жамылғысының биіктігі 30 см-ге жетті.
Дереккөз: bnews.kz
15 желтоқсан 2013, 22:32
Қате таптыңыз ба? Тінтуірмен белгілеп, Ctrl + Enter түймесін басыңыз.
Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.
В Атырау +3 