Исландияда полиция ел тарихында алғаш рет қылмыскерге оқ атты

2 346 просмотра

Исландия полициясының офицерлері ел тарихында бірінші рет арнайы операция жүргізу барысында ұсталған құқық бұзушыға оқ атты.

Қаруланған қылмыскерді тәртіп сақшылары Рейкъявик қаласының маңындағы атыс кезінде өлтіріп алған.

БАҚ-тардың атап өтуінше, бұл құқық бұзушы Исландия тарихындағы полиция қаруынан қаза болған тұңғыш қылмыскер. Басында 59 жастағы ер адам тапаншамен көршілерін жай қорқытқан көрінеді. Артынан терезеден оқ жаудырғасын полиция оған қарсы қару қолдануға мәжбүр болған.

322 мың халқы бар Исландия әлемдегі қылмыс деңгейі ең төмен елдердің бірі. Мұндай атыстар бұл ел үшін өте сирек кездесетін жағдай. Арнайы операция барысында қаза болған қаскөйдің өлімі егжей-тегжейлі тергелетін болады, деп хабарлады gipoteza.net.

Дереккөз: ҚазАқпарат

4 желтоқсан 2013, 10:03

WhatsApp арқылы хабар жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 771 37 800 38 нөміріне және editor@azh.kz поштасына жібере аласыз.