Сноуден: Австралия Индонезия Президентіне тыңшылық жасады

Орталық барлау басқармасының бұрынғы қызметкері Эдвард Сноуден жаңадан жариялаған құжаттар топтамасына қарағанда, австралиялық барлау қызметі Индонезия Президенті Сусило Бамбанга Юдойоно мен оның зайыбының телефон әңгімелеріне тыңшылық жасады деген мәліметтер келтірілген. Бұл туралы Би-би-си хабарлады.

Бұған қоса олар бұл елдің вице-президентіне де тыңшылық жасағандығы айтылуда.

Джакарта өз кезегінде Канберраны Сноуденнен келіп түскен ақпарат бойынша басылған мақалаларға шұғыл түсініктеме беруге шақырды.

Австралиялық премьер-министр Тони Эбботт ел үкіметі қауіпсіздік мәселелеріне ешқашан да түсініктеме бермейтіндігін мәлімдеді.

Сноуден құпия құжаттарды БАҚ-қа тапсырғаннан кейін, Ресейге келіп тоқтады. Оған 2014 жылдың шілдесіне дейін уақытша баспана берілді.

Дереккөз: ҚазАқпарат