Украина Тимошенконы Еуропаға "сатқысы" келеді

1 437 просмотра

Жоғары Раданың депутаты Михаил Чечетов "ТВі" телеарнасына берген сұхбатында Юлия Тимошенконы Еуропаға беру туралы ұсынысын айтты. Бірақ, еуропалықтар оның өтемі ретінде Украинаның көгілдір отын келісімінен ұтылған қаражатын қайтаруы тиіс.

"Біреудің есебінен бауырмал көріну оңай, әрине. Бірақ, Еуропа алдымен бізге көгілдір отын келісімі бойынша жоғалтқан 20 миллиард долларымызды қайтарсын. Тимошенконың бостандығын қаласа сол шығынды өтесін алдымен" деді халық қалаулысы.
Айта кетейік, Украинаның бүгінгі билігі Ресеймен арада Тимошенконың кезінде жасалған көгілдір отын келісімін өте тиімсіз деп есептеді. Елдің қазіргі үкіметін басқарып отырған Николай Азаров дәл осы келісімнің салдарынан соңғы үш жылда Украина 3 миллиард доллардан айрылды дегенді айтып отыр.
Былтыр мемлекет басшылары Еуропадан келтірілген шығынды сұраған болатын. Ол кездегі сома 12 миллиард доллар болатын.

Дереккөз: Baq.kz

15 қараша 2013, 09:41

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.