В Атырау +15 
Қазақстанда қазақ тілінің жаңа ресми орфографиялық сөздігі дайындалады. Бұл туралы Мемлекеттік кеңесші Ерлан Қарин хабарлады.
Жұмыстың жандануына қыркүйек айының атауын «қыркүйек» пе, әлде «қыргүйек» пе деп жазу жөніндегі соңғы қоғамдық пікірталастар себер болған. Қариннің айтуынша, дұрыс жазу мәселесі тек филологиялық даудың аясында ғана емес, мемлекеттік тіл болғандықтан ресми құжат айналымы мен күнделікті қарым‑қатынаста бірыңғай норма қажет.
Жаңа сөздікті әзірлеу үшін жетекші ғалымдар мен тіл мамандарынан арнайы жұмыс тобы құрылады. Дайын жобаны ведомствоаралық комиссия қарауына береді.
Мемлекеттік кеңесші еске салғандай, қолданыстағы орфографиялық сөздік 2013 жылы шыққан. Соңғы он үш жылда қазақ тілінің лексикалық қоры жаңа терминдермен едәуір толыққан, сондықтан анықтамалықты түбегейлі жаңарту қажет.
Қариннің сөзінше, жаңа сөздікті жасауға билік ұлттық жоба ретінде қарайды.