Б.Обама елдің алдында өзінің басты реформасы үшін кешірім сұрады

АҚШ Президенті Барак Обама көпшіліктің алдында реформаның салдарынан медициналық сақтандыру жоспарларын жоғалтқан американдықтардан кешірім сұрады. NBC телеарнасына берген сұхбатында ол денсаулық сақтау саласындағы құрылымға «айқындық жетіспейтініне» өкінетінін мәлімдеді, деп хабарлайды РБК.

Президенттің бұл сөздері Obamacare атымен белгілі қол жетімді медициналық көмек бойынша № 2010-заңы күшіне енгеннен кейін де жұрттың сақтандырулары күшін жоймайды деген бірнеше мәрте айтылған уәдесінің орындалмауынан сақтандыру жоспарларынан айырылған азаматтарға арналды.

«Біз реформаны жүзеге асыруда айқын түсіністікке қол жеткізе алмадық, - деді Б.Обама өз сұхбатында. - Менің берген кепіліме қарамастан осындай жағдайға тап болғандарыңыз үшін кешірім сұраймын».

Американдықтарға сақтандыру жоспарлары мен субсидиялар алуға көмектесу үшін құрылған HealthCare.gov сайты іске қосылар-қосылмастан жойылды. Сақтандыру компаниялары жаңа стандарттарға сай келмейтін полистерге қызмет көрсетуден бас тартуда.

Б.Обама медициналық сақтандыру туралы заңды жауып, жаңа жүйенің қаншалықты қиын жолмен жүзеге асырылып жатқанын көре отыра оны кері қайтаруға дайын отырғандарды сынға алды. 2013 жылдың қазанында Президент қателіктерді жою жауапкершілігін өз мойнына алатынын бірнеше рет мәлімдеген болатын.