​Елімізде ірімшік пен сүзбе өндірісі 28%-ға артты

2026 жылғы қаңтар–мамыр аралығында елде 25,7 мың тонна ірімшік пен сүзбе өндірілді.

Бұл өткен жылдың сәйкес кезеңімен салыстырғанда 28%-ға көп, яғни 5,6 мың тоннаға артық.

Осы кезеңде шамамен 0,9 мың тонна өнім экспортталды. Қазақстандық ірімшік пен сүзбе Ресей, Қырғызстан және Арменияда тұрақты сұранысқа ие. Сонымен қатар Өзбекстан мен Моңғолияға жеткізілім көлемі айтарлықтай өсті, ал Әзербайжан мен Корея Республикасына алғашқы экспорт жасалды.

Өндіріс көлемінің артуына байланысты импорт 9,2%-ға төмендеді. Ішкі нарықтағы сұраныс та өсіп отыр: бес айда өткізу көлемі 41,4 мың тоннаға жетіп, былтырғыдан 11,2%-ға жоғары болды.

2026 жылғы маусымдағы жағдай бойынша сүзбенің орташа бөлшек бағасы килограмына 2 457 теңге болды. Ең төменгі баға Петропавлда тіркелді – 1 661 теңге, ал ең жоғарысы Жезқазғанда – 3 060 теңге.