В Атырау +31.1 
2026 жылғы 19 шілдеде, жексенбі күні Қазақстанда Межбанктік мобильді төлем жүйесі ресми түрде іске қосылады.
Бұл жүйе арқылы қазақстандықтар енді:
телефон нөмірі бойынша басқа банкке лезде ақша аудара алады;
кез келген банктің QR-коды арқылы дүкенде төлем жасай алады;
төлемдер тәулік бойы, нақты уақыт режимінде өтеді.
Ұлттық банк мәліметінше, барлық отандық банктер жаңа жүйеге қосылған.
Кәсіпкерлер үшін де артықшылық бар: енді бірнеше терминал орнатудың қажеті жоқ, бір QR-код арқылы кез келген банктен төлем қабылдай алады. Жаңа жабдық сатып алудың да қажеті жоқ – бұрынғы терминалдарда-ақ жұмыс істейді.
Жүйені пайдалану үшін азаматтарға өз банктерінің мобильді қосымшаларын жаңарту немесе қолдау қызметіне жүгіну ұсынылады.
Ұлттық банк жариялаған статистика:
6,3 трлн теңге – Ұлттық төлем жүйесі тәулігіне өңдейтін ақша көлемі;
340 млрд цифрлық теңге – айналымға шығарылған;
3,5 млн сұраныс – ай сайын биометриялық сәйкестендіру сервисі өңдейтін өтініштер;
165 мың заңсыз әрекет – қаржы пирамидалары, көлеңкелі ойын бизнесі және алаяқтықты анықтап, тоқтатқан Ұлттық антифрод-орталықтың нәтижесі.
Ұлттық банк жаңа реформалар қарапайым азаматтар мен бизнеске жеңілдік әкеліп қана қоймай, қаржы нарығын кибершабуылдар мен алаяқтықтан қорғауға көмектеседі деп сендіреді.