В Атырау +35.5 
Атырау облысында мектепке дейінгі мекемелерге азық-түлік жеткізу төңірегінде үлкен дау туындады. Жергілікті кәсіпкерлердің бірі балабақшаға кәдімгі күріштің бір килограмын 21 мың теңгеден сатып келген.
Бұл адам сенгісіз деректі Атырау облысы бойынша Экономикалық тергеп-тексеру департаментінің (ЭТД) қызметкерлері әлеуметтік маңызы бар азық-түлік тауарларының бағасына цифрлық талдау жүргізу барысында анықтады.
ЭТД басқарма басшысы Бекболат Әнесовтің айтуынша, өңірде заңды өрескел бұзып, рұқсат етілген ең жоғары 15 пайыздық сауда үстемесінен асырып жіберген 10-нан астам ірі жеткізуші анықталған. Алайда балабақшаға қатысты жағдай барлық рекордты басып кетті.
«Сауда үстемесін 3500 пайыздан астамға асыра қолданып, кәсіпкер жеке балабақшаға кәдімгі күріштің 1 килограмын 21 мың теңгеден жеткізіп отырған. Бұл мәселе Атырау облысы әкімдігі жанындағы арнайы комиссияда қаралды. Жақын арада кәсіпкерге қатысты қатаң шара қабылданады», — деп хабарлады Бекболат Әнесов.
Қазір аталған дерек бойынша ресми тексеру жұмыстары жүргізіліп жатыр.
Бүгін, 16:49