В Атырау +26.8 
Украина Президенті Владимир Зеленский елдің саяси стратегиясын өзгертетінін және соған байланысты кадрлық өзгерістер болатынын жариялады, деп хабарлайды АА.
Оның айтуынша, әрбір басым сыртқы саясат бағытына тәжірибесі мол нақты тұлға жауап беретін болады. Бұл өзгерістер ішкі саясатқа да әсер етеді.
Зеленский Премьер‑министр Юлия Свириденкомен бірге жаңа стратегияны талқылап, Үкімет құрамын жаңарту қажеттігін айтты. Ол Свириденконың тұрақты әрі нәтижелі жұмысына алғыс білдіріп, оны Украина үшін маңызды жаңа бағытқа жетекшілік етуге шақырды.
Президент сыртқы саясаттағы басты басымдық ретінде АҚШ‑пен қарым‑қатынасты атады. Әсіресе «Пэтриот» жүйелерін өндіруге лицензия алу және қауіпсіздік саласындағы екіжақты ынтымақтастықты нақты нәтижелерге жеткізу маңызды екенін атап өтті.
Сонымен қатар, Еуропалық Одақпен мүшелікке ілгерілеу, Польша мен Венгриямен жаңа негіздегі қатынастар, Таяу Шығыс пен Парсы шығанағы елдерімен қауіпсіздік және экономика саласындағы серіктестік, Қытаймен байланыстар және халықаралық ұйымдармен жұмыс негізгі бағыттар ретінде белгіленді.