В Атырау +33.9 
Қытайдың оңтүстігінде, Гуанси провинциясында тайфун мен су тасқынынан кейін Люлань бөгеті бұзылып, жылан өсіретін фермадағы шамамен 900 жылан қашып кеткен, деп хабарлайды АА.
Су тасқыны фермадағы қоршауларды шайып кеткен соң, олардың ішінде улы кобралар да бар көптеген жыландар жақын маңдағы Дэнвэй ауылына тараған. Осыған байланысты ауылда төтенше жағдай режимі енгізілді.
Жергілікті тұрғындар су басқан көшелерде жыландардан қорғану үшін бамбук таяқтарын пайдаланған. Кейбір кадрларда жыландардың терезелерге өрмелеп кірмек болғаны байқалған.
Билік провинция деңгейінде дабыл жариялап, қосымша құтқару қызметтерін жіберді. Арнайы киім киген мамандар жыландарды аулау және су тасқынынан зардап шеккендерді эвакуациялау жұмыстарын жүргізуде. Сонымен қатар, ауруханаларда кобра шағуына қарсы жедел көмек желілері ашылып, уға қарсы дәрі қоры көбейтілді.
Алдын ала мәлімет бойынша, бір тұрғын жылан шағып алғаннан кейін ауруханаға жеткізілген. Тайфун «Майсак» салдарынан аймақтағы су тасқынында 39 адам қаза тапқаны хабарланды.