В Атырау +24.1 
Табиғат қорғау прокуратурасы азаматтардың өтініштері бойынша жағажайларды ұйымдастыру кезіндегі заңдылықты талдады.
Екібастұз қаласының Солнечный кентіндегі Шаңдақсор көлінде және Шарбақты ауданындағы Маралды көлінде су заңнамасының талаптарын өрескел бұзу фактілері анықталды.
Атап айтқанда, Су кодексінің 17-бабын бұза отырып, жағажай ұйымдастырушылары қоршаулар орнатып, күзет бекеттерін қойып, аумаққа кіру ақысын белгілеп, халықтың ортақ пайдаланылатын су нысандарына қолжетімділігін шектеген.
Кейбір жағдайларда балалар жағажайына арналған жабдықтың, кезекші медицина қызметкерлерінің және алғашқы көмек көрсетуге қажетті құралдар мен дәрі-дәрмектердің болмауы себепті қауіпсіздік ережелері бұзылғаны анықталды.
Прокуратура анықталған заңбұзушылықтар бойынша уәкілетті органдарға қадағалау актілерін енгізді.
Қадағалау шаралары нәтижесінде Шаңдақсор мен Маралды көлдерінің жағажайларына ақылы кіру жойылды, азаматтардың ортақ су нысандарына еркін қол жеткізу құқықтары қалпына келтірілді, қажетті жабдықтар қамтамасыз етілді, ал кінәлі тұлғалар әкімшілік және тәртіптік жауапкершілікке тартылды.