​ҚТЖ басшысы қызметінен кетті

Талғат Алдыбергенов «Қазақстан темір жолы» ұлттық компаниясы» акционерлік қоғамының басқарма төрағасы лауазымын босатты.

ҚТЖ басшысының өкілеттігі компанияның жалғыз акционері («Самұрық-Қазына» АҚ) шешімімен тоқтатылды.

«Жалғыз акционердің шешімімен «ҚТЖ» ҰК» акционерлік қоғамының басқарма төрағасы Алдыбергенов Талғат Сағиұлының өкілеттігі тоқтатылды», — делінген ресми хабарламада.

Ұлттық теміржол компаниясы жетекшісінің бос тұрған лауазымына кімнің тағайындалатыны әзірге хабарланған жоқ.