В Атырау +31 
Қазақстан Республикасының Премьер-министрі Олжас Бектенов Президент Қасым-Жомарт Тоқаевтың тапсырмасына сәйкес Астанада ашылған Қазақ ұлттық спорт университетінің жаңа ғимаратындағы технологиялық жабдықталу деңгейімен және білім беру жағдайымен танысты.
Премьер-министр атап өткендей, жаңа Конституцияда адами капиталды дамыту мемлекеттің стратегиялық бағыты ретінде белгіленген. Университеттің ашылуы — спорт, білім, медицина және инновацияны тоғыстырған ұлттық мекеменің іске қосылуы, жаңа буын мамандарын даярлауға бағытталған маңызды қадам.
Университеттің бағыттары:
«Жаттықтырушылық қызмет», «Спорт ғылымдары» бағдарламалары
Спорттық медицина және оңалту
Спорт журналистикасы
Менеджмент
Спорттағы жасанды интеллект және аналитика
Киберспорт және басқа да салалар
Халықаралық серіктестік:
Университет Eklore-ed School of Management, Corvinus University, University of Guglielmo Marconi, Swiss Institute және Hungarian University of Sports Science сияқты шетелдік серіктестермен бірге қос дипломды бағдарламалар мен академиялық ұтқырлықты жүзеге асыруда. Сонымен қатар, Xinhua Daily Media Group пен Nanjing Polytechnic Institute қатысуымен спорт журналистикасы медиа орталығы құрылып жатыр.
Қосымша жобалар:
Қауіпсіздік және адал спортты дамыту
Құтқару инновациялары және алғашқы көмек орталығы (3,5 мыңнан астам педагог оқытылды, 100-ден астам халықаралық жаттықтырушы дайындалды)
Әйелдердің спорттағы мүмкіндіктерін кеңейтуге арналған бастамалар
Life Chance Grant және Merit Grant гранттық бағдарламалары
Бұл шаралар университетті ұлттық деңгейде спорт ғылымын дамыту орталығына айналдыруға бағытталған.