В Атырау +25.3 
Қазақстан Президенті «Қазақстан Республикасының жаңа Конституциясының қабылдануына байланысты амнистия туралы» Заңға қол қойды.
Бұл туралы Ақорда хабарлады. Заңның мәтіні баспасөзде жарияланады.
Сонымен қатар, Мемлекет басшысы мынадай заңдарға қол қойды:
«Қазақстан Республикасының кейбір заңнамалық актілеріне атқарушылық өндіріс және сот орындаушыларының мәртебесі мен құқық бұзушылықтардың профилактикасы мәселелері бойынша өзгерістер мен толықтырулар енгізу туралы» Заң;
«Қазақстан Республикасының Қылмыстық кодексіне, Қазақстан Республикасының Қылмыстық-процестік кодексіне және Қазақстан Республикасының Әкімшілік құқық бұзушылық туралы кодексіне өзгерістер мен толықтырулар енгізу туралы» Заң.
Бұл заңдардың мәтіндері де баспасөзде жарияланады.
Амнистия туралы заңға қол қойылуы 2026 жылғы 1 шілдеде күшіне енген Қазақстанның жаңа Конституциясының қабылдануымен байланысты.