В Атырау +28.1 
Батыс Қазақстан облысында, Қазақстан–Ресей шекарасындағы «Сырым — Маштаково» бекетіне кіреберісте алып автокөлік кезегі пайда болды. Бұл туралы «Мой Город» хабарлады.
Жүк көліктерінің тізбегі 35 шақырымға дейін созылып кеткен.
Жүргізушілер бірнеше тәулік бойы аптап ыстықта далада тұруға мәжбүр. Бұл аумақта санитарлық аймақтар, тамақтану орындары және ауыз су жоқ.
ҰҚК түсіндірген себептер:
- Маусымдық тасымал: Бақша өнімдері мен ауыл шаруашылығы тауарларын шығару кезеңі басталды.
- Транзиттің артуы: Ресейге бағытталған тұтыну тауарларының көлемі күрт көбейді.
- Жөндеу жұмыстары: «Сырым» өткізу бекетінде реконструкция жүріп жатыр, жол бөлігі тарылғандықтан өткізу қабілеті төмендеді.
Қашан аяқталады?
Мемлекеттік кірістер комитеті мамандары бекетте штаттық режимде жұмыс істеп жатқанын хабарлады. Реконструкция былтыр тамызда басталған, ал толық аяқтау мерзімі – 2026 жылғы 31 желтоқсан.
Осы уақытқа дейін автотасымалдаушыларға маршруттарын алдын ала жоспарлап, ықтимал кідірістерге дайын болу ұсынылады.
Бүгін, 12:34