В Атырау +25.5 
22 мамырда Астрахан облысындағы Ресейдің Қараөзек өткізу пунктінде қайғылы оқиға болды.
Жоғалған баланы іздеу кезінде туыстары оны суға толы резервуардан тапқан. Отбасының айтуынша, ол жер қоршалмаған және ешқандай қауіпсіздік шаралары қарастырылмаған.
Арада бір ай өткен соң баланың анасы болған жағдайдың себептерін анықтауға тырысуда.
баланың анасы болған жағдайдың себептерін анықтауды және жауапты тұлғаларды белгілеуді талап етіп отыр.
Атырау тұрғыны Севинч Исмаилова төрт жасар ұлы Асланның қазасына әкелген қайғылы оқиға жайлы айтып берді. Оның сөзінше, әлі күнге дейін қауіпті нысанның неге адамдарға қолжетімді болғаны және болған жағдайға кім жауапты екені белгісіз.
22 мамыр кешінде отбасы Қараөзек өткізу пункті маңында болған. Бір сәтте ата-анасы баланың жоғалғанын байқап, іздеуге кіріскен. Алғашында олар бала тығылып қалды деп ойлаған, кейіннен оны жол бойындағы көліктер алып кетуі мүмкін деген күдік пайда болған.
Әйелдің күйеуі мен ағасы баланың жоғалғанын хабарлауға кеткенде, Севинч Исмаилова қасында болған қызметтерден көмек сұрауға тырысқан. Оның айтуынша, ол полиция шақыруды өтінген, бірақ оған мұны өзіңіз жасаңыз деп кеңес берген. Севинч алдымен Қазақстанға, кейін Ресейге қоңырау шалып, ұлының жоғалғанын хабарлаған.
Іздеу барысында ол әскери формадағы ер адамнан көмек сұрап, екеуі аумақты аралай бастаған. Анасының айтуынша, олар бірнеше ашық люкті көрген, ал олардың үсті тек көлік дөңгелектерімен жабылған екен.
Әйел бір резервуарды қарау кезінде ішінен ұлының киімін байқап қалған. Түбінде бала жатқан екен. Туыстары оны өздері шығарып алып, дәрігерлер келгенге дейін тірілтуге тырысқан.
— Соңғы сәтке дейін оны құтқара аламыз деп үміттендік, — дейді Севинч Исмаилова.
Әйелдің айтуынша, полиция мен жедел жәрдем бірден келмеген. Баланы жедел жәрдем көлігіне қарсы алып шығып, кейін ауруханаға жеткізген. Дәрігерлердің барлық әрекетіне қарамастан, баланы аман алып қалу мүмкін болмаған.
Қайғылы оқиғадан кейін анасы тергеу органдарына жүгінген. Оның сөзінше, бұл жерде бұрын жанармай құю станциясы орналасқан, ал суға толы резервуар өртке қарсы мақсатта пайдаланылған. Нысан жабылғаннан кейін ыдыс суға толы күйінде қалып, отбасының айтуынша, тиісінше қоршалмаған.
Севинч Исмаилованың айтуынша, қайғылы оқиғадан кейінгі келесі күні де резервуар сол күйінде қалған — толыққанды қақпағы, қоршауы және ескерту белгілері болмаған. Тек бір айдан соң ғана нысанның айналасына ағаш қоршау қойылған.
— Бір ай өтті, бірақ әлі жауап жоқ. Неге бұл резервуар ашық болды? Неге оны ешкім қауіпсіз етпеді? — дейді әйел.
Қайғылы жағдайда қаза тапқан баланың анасы кінәлілерді анықтап, оларды жауапкершілікке тартуды талап етуде. Оның пікірінше, бұл трагедияның алдын алуға болатын еді.
«Ақ Жайық» редакциясы Ресей мен Қазақстанның құзырлы органдарына ресми сауал жолдады. Біз қауіпті нысанның кімге тиесілі екенін, жанармай құю станциясы жабылғаннан кейін резервуарға консервация жасалған-жасалмағанын және аумақтың қауіпсіздігіне жауапты тұлғалардың бар-жоғын анықтағымыз келеді. Жауаптар алынған соң жарияланады.
Айгүл МАНСУРОВА