В Атырау +30.3 
Азамат Капеновке қатысты оқиға жаңа қырынан жалғасуда.
Журналист Михаил Козачковтың дерегіне сәйкес, халықаралық іздеуде жүрген Капенов қазір Қырғызстанда және өзін осы елдің азаматы деп санайды. Бұл оның экстрадициясына кедергі келтіруі мүмкін.
Қазақстанда ҚМА оны алаяқтық пен қызметтік өкілеттікті теріс пайдалану бойынша тергеуде. Шығын көлемі 5 млрд теңгеден асады. Сонымен қатар, Мәскеу соты оны қазақстандық кәсіпорын үлесін жымқыру ісі бойынша сырттай қамауға алған.
Капенов 1978 жылы Қырғызстанның Қаракөл қаласында туған. 1995 жылы Алматыға көшіп келіп, ҚазҰУ-да оқыған. 2001 жылы Қазақстан азаматтығын алып, кейін бірнеше рет құжаттарын жаңартқан.
2016 жылы оның қазақстандық паспорты мен куәлігі жарамсыз деп танылды, себебі ол Ресей азаматтығын алғаннан кейін Қазақстан азаматтығынан айырылған. Қазір оның қолында Қырғызстан паспорты бар.
Журналист Козачков Қырғызстан заңнамасы екінші азаматтыққа рұқсат беретінін, бірақ Қазақстан сияқты көршілес елдердің азаматтығын алған жағдайда ерекшеліктер бар екенін атап өтті. Осыған байланысты Капеновтың қырғыз азаматтығын қалай сақтап қалғаны және құжатты кейін қалай қайта рәсімдегені сұрақ тудырады.
Капенов Instagram-да өзін Қырғызстан азаматы деп жариялап, бұл азаматтықтан ешқашан бас тартпағанын айтқан.