В Атырау +32.5 
Қазақстан темір жол саласында жаңа технологиялар кезеңі басталуда.
Алдағы жылдары транзиттік тасымал көлемін екі есеге арттыру көзделіп отыр: 2030 жылға қарай 67 млн тоннаға, ал 2040 жылы 100 млн тоннаға жеткізу жоспарланған. Қазірдің өзінде транзит көлемі соңғы бес жылда 20 млн‑нан 33 млн тоннаға дейін өскен.
Маршруттар бойында жеті терминал жұмыс істеп тұр, тағы жеті нысан салынып жатыр. Бұл «Шығыс – Батыс» және «Солтүстік – Оңтүстік» дәліздерін бірыңғай логистикалық желіге біріктіруге мүмкіндік береді. Сонымен қатар, Қарағанды облысындағы кен орындарына апаратын жолдарды жаңғырту және «Индербор – Орал» жаңа теміржол желісін салу жоспарланған.
Салада цифрландыруға ерекше көңіл бөлінуде: бірыңғай деректер көлі (Data Lake) құрылып, Smart Rail жүйесі енгізіледі. Жасанды интеллект пен үлкен деректерді талдау басқаруды тиімді етіп, шығынды азайтып, қауіпсіздікті арттыруға бағытталады.
Бұл бастамалар Қазақстанның халықаралық көлік дәліздеріндегі рөлін күшейтіп, логистикалық әлеуетін жаңа деңгейге көтермек.