В Атырау +30.9 
Алматыда қарт азаматтарды алдап келген интернет‑алаяқтар тобының әрекеті тоқтатылды.
Прокуратураның үйлестіруімен жүргізілген тергеу барысында күдіктілердің өзін құқық қорғау органдары мен қаржы ұйымдарының қызметкерлері ретінде таныстырып, жәбірленушілерді жылжымайтын мүліктерін сатуға және қаражаттарын «бақыланатын» шоттарға аударуға көндіргені анықталды. Келтірілген шығын көлемі 1,5 млрд теңгеден асқан.
Қылмыстық схеманы ұйымдастырушылар мен қатысушылар ұсталып, олардың іс‑әрекеттері ҚР ҚК‑нің 190‑бабы 4‑бөлігі бойынша сараланды. Сот санкциясымен күдіктілер қамауға алынды.
Қазір сотқа дейінгі тергеу жалғасып жатыр. Қылмыстық әрекеттің толық мән‑жайын және басқа да қатысы бар адамдарды анықтау бойынша шаралар жүргізілуде.
Бүгін, 15:20